lørdag 7. februar kl. 18:00 · Jens Røslands-vegen 60, Husnes
Kvinnherad Handballklubb ønskjer fleire engasjerte trenarar til barne- og ungdomslaga våre. Har du interesse for handball og ønskjer å bidra til eit trygt og utviklande idrettsmiljø, vil vi gjerne ha deg med på laget. Som trenar får du vere med og skape aktivitet, meistring og idrettsglede for born og unge i lokalmiljøet. Du får utvikle leiareigenskapar, planlegge og gjennomføre treningar, og vere ein viktig rollemodell for spelarane. Erfaring frå handball er ein fordel, men ikkje eit krav – det viktigaste er engasjement, ansvarskjensle og vilje til å lære. Klubben dekkjer trenarkurs og legg til rette for fagleg utvikling og støtte undervegs. Du blir ein del av eit fellesskap der vi samarbeider om å gi eit best mogleg tilbod til spelarane våre. Som breiddeklubb er målet vårt at flest mogleg skal vere med lengst mogleg – og trenarane er heilt avgjerande for å få dette til. Har du lyst til å bidra som trenar i Kvinnherad Handballklubb? Ta kontakt med oss for ein uforpliktande prat.
Billetter og mer informasjon →
Åpne i Duito-appenHar du ikke appen installert skjer ingenting når du trykker - dette er kun en lenke for de som allerede har Duito.