lørdag 6. mars kl. 10:30 · Shell Fagernes, Jernbanevegen 40, 2900 Fagernes, kl. 09.45
Dette er ein tur for deg som er vanleg god på ski og som ønskjer ein relativt kort skitur rundt Knausane på Beitostølen med ein lengre bålkos undervegs. Turen startar frå parkeringsplassen på Garli nord for Beitostølen. (Parkeringsavgift) .Vi følgjer oppkøyrd og lett løype på vestsida av Knausane fram til nørre skiheisen. Her frå ber det utfor ned til den sørre skiheisen. Litt lengre sør tar vi av til venstre og følgjer løypa i varierte kneikar til Tutjern på austsida av Knausane. Det er i denne delen av løypa vi reknar med å ha ein lengre stopp med bål. Like etter Tutjern når vi høgste punktet på turen. Her er det fin utsikt mot Bitihorn. Tilbake til Garli er det først lange utforbakkar og til slutt relativt flatt terreng. Du må kle deg for ein dag i ope fjellandskap. Det kan bli kaldt når vi set oss på bålplassen. Ha med sitjeunderlag, godt med niste og varm drikke. Ta med deg mat som eignar seg for å bli varma på bål og utstyr til det. Dersom du har snøspade, er det fint om du tar den med. Du går på eige ansvar. Vi turleiarar skal syta for at turen blir så trygg som mogeleg. Det er nokre punkt på turen der vi må vera særleg forsiktige: der vi kryssar løyper frå skiheisane, i stigningane opp mot Tutjern og generelt i utforbakkane. Turen er ca. 9 km lang. Vi ønskjer ikkje å avlysa turar, men den kan bli flytta, avlyst eller utsett dersom ver / verutsikter blir for vanskeleg. Påmelding digitalt eller på sms til 48142002 seinast 04.03.27 kl. 18.00. Bjørn Vegard Johnsen 48142002 bjorn.vegard.johnsen@gmail.com Ester Christensen 91818842
Billetter og mer informasjon →
Åpne i Duito-appenHar du ikke appen installert skjer ingenting når du trykker - dette er kun en lenke for de som allerede har Duito.