lørdag 10. juli kl. 09:30 · Jernbanevegen 40, Fagernes
På denne turen får du sjå fjella på nordvestsida av Øvre Sjodalsvatnet og utsikten ned i sjølve Sikkilsdalen. Du får også høyra historia om aktivitetar i denne dalen fram gjennom tidene Turen startar på Maurvangen der vi parkerer bilane og følgjer dnt-stigen fram til Sikkilsdalsskardet. Her tar vi ein lengre pause før vi går same vegen tilbake. Turen er ca 10 km tur /retur. Det er få bratte bakkar, men det kan vera blautt ein del stader. Turen går i fjellbjørkeskog før den kjem opp i meir ope lende. Du må vera i bra fysisk form. Kle deg for ein dag i fjellet. Følg med på YR. Turen kan bli avlyst, endra, eller flytta til ein annan dag dersom ver og vermelding blir for usikre. Dette er ein fellestur der ein turleiar går fremst, og ein bak. Du går på eige ansvar, men vi turleiarar vil leggja til rette slik at turen blir så trygg og hyggeleg som mogeleg. Frammøte på bensinstasjonen St1 på Fagernes kl.09.30. Derfrå køyrer vi F 51 over Valdresflye og parkerer på parkeringsplassen inne på Maurvangen. Der er det råd å kjøpa seg mat etter turen for dei som ønskjer det. Påmelding seinast 08. 07. kl. 18.00, helst digitalt, eller på sms til turleiar Bjørn Vegard Johnsen dersom det er ønskjeleg. Kart: Nordeca turkart Jotunheimen aust 1:50 000
Billetter og mer informasjon →
Åpne i Duito-appenHar du ikke appen installert skjer ingenting når du trykker - dette er kun en lenke for de som allerede har Duito.